الخميس، 8 ديسمبر 2011

مش سهل اتعرف على ناس جديدة
اول انطباع عني دايما هو اني مغرورة و رخمة
عصبية بشكل مرضي
ممكن اسكت ساعات بس لو فتحت في الكلام محدش بيعرف يسكتني
بحفظ الاحداث بالتواريخ ودي حاجة مش حلوة
بتوقع معاملة معينة من اللي قدامي عشان كده بتصدم كتير بس بدأت اتعود
بسامح بس مش بنسى
مش بحب التليفزيون خالص والسبب الرئيسي الاعلانات
بكره الصوت العالي رغم اني لما بتنرفز ممكن اسمع القاهرة بضواحيها
مش بحب حد يعرف حاجة عني
 مش بحب حد يقوللي اسرار عشان بحسها مسئولية تقيلة
بحب احلل شخصية اللي قدامي وافسر تصرفاته وبعتبرها هواية
مش بحب اتعامل مع حد مش بحبه حتى لو مجبرة
لو اختلفت مع حد مش بغلط فيه لأني ببقى متأكدة اننا هنرجع نتكلم تاني في يوم من الايام
بحاول ماتكلمش في حاجة مش فاهماها عشان كده بتنرفز جدا لو حد اتكلم وهو مش فاهم
عندية وصعب جدا جدا اغير رأيي
لو حسيت ان اللي قدامي بيديني اوامر ايا كان بعمل عكس اللي بيقوله
لما بحب بحب اوي بس مش ببين حاجة
بخاف افرح ولو ضحكت كتير بقلق
لو اتضايقت بتضايق اوي بس بحاول مابينش
لما حد يكلمني وانا بكتب كود مش بسمعه
مش بيعدي اسبوع على بعضه الا واكون ملخبطة في مواعيد النوم
لو عاتبت حد يبقى بحترمه اوي وقصدي اديله فرصة تانية
مقتنعة ان الصمت هو ابلغ رد على فئة معينة من الناس مهما قالوا او عملوا
بحترم جدا جدا  لما حد يعرف انه غلطان ويتأسف



هناك تعليق واحد:

  1. kteer awe sa7 :) bas deh aktar 7aga 3agbtne >>لو اختلفت مع حد مش بغلط فيه لأني ببقى متأكدة اننا هنرجع نتكلم تاني في يوم من الايام

    ردحذف