الأحد، 12 فبراير 2012

ده الأي كلام

 Good morning all ... have a nice day ;) 

تقوله فاكر ... يرد فاكرة -احمد حداد .

ازاي الانسان التافه بيستحمل نفسه كده ؟

نفسي اتعلم الشتيمة لأنها في مواقف كتير بتكون هي انسب رد .

اكتشفت كشاكيلي القديمة عبارة عن فضيحة كارثية ... مفيش حاجة الا وكاتباها فيها .

بشوف الناس دي كتير بس ماعرفهمش .

"Eventually feels a lot different than actually ... It's surprisingly painful." #Derek #very true

ويفضل السؤال اللي محيرني .... ياترى هعرف اتفرج على كورة تاني ولا لأ ؟

مش بنعرف قيمة الناس الا لما يبعدوا عنا او يضيعوا من ايدينا .. عمري ما اقتنعت بالجملة دي، لو كانوا يستاهلوا مكناش ضيعناهم اصلا ولو حتى كان غصب عنا واكتشفنا ان قيمتهم جامدة كده كنا هنعرف نرجعهم تاني.

always remember ... you can do it

الأواني الفارغة .. تُحدث ضجة أكثر من الأواني الممتلئة ! وكـذلك البـشر - محمد الرطيان .

تخيل حد قالك انه نسيك بعد اسبوعين وواحد تاني سافر كام يوم ورجع قالك خلاص نسيت .. ممكن ترد تقولهم ايه ؟ 

i'm sure, you are not fine now.

ليه الناس بتخاف تخاف ؟ ... اعتقد ده حق من حقوقنا عادي يعني، بس مانكرش انه ممكن يضيع منا كتير . 

وحين افترقنا ..
تمنيت سوقاً تبيع السنين
يعيد القلوب ويحي الحنين
تمرَّد قلبي وقال: انتهينا
ودعنا من العشق والعاشقين
تمنيت سوقاً يبيع السنين
أبدِّل قلبي وعمري لديه
وألقاك يوماً بقلبٍ جديد
تمنيت لو عاد نهر الحياة
يُكسر فينا تلال الجليد
يجيء إليك بحلم عنيد
ولكن قلبيَّ ما عاد قلبي
تغرَّب عنك تغرَّب عنِّي
وما عاد يعرف ماذا يُريد - فاروق جويدة

حاسب علي كل ضحكة احسن ممكن تضيع -احمد حداد .

انا اتأخرت على الكلية كده ..

هناك 6 تعليقات:

  1. كلام جميل ومن غير تتعلمي الشتيمه عشان عيب
    وان شاء الله توصلي الكلية في ميعادك

    ردحذف
    الردود
    1. اه عيب بس بحس انها مطلوبة ساعات :D
      والحمد لله وصلت في ميعادي .. الطريق كان فاضي على غير العادة .. شكرا:)

      حذف
  2. بحب أوى القصيدة بتاعت أحمد حداد دى :)

    أنتى عارفة أن نفسى أعيش حياة التافهين دى أسبوع وأشوف أحساسهم هيبقى عامل أزاى ؟!

    موضوع الشتيمة ده .. ممم يمكن عندك حق

    مجرد عدم أعتراف من جواكى هو الى بيخلى الأحساس painful

    معتقدش أن المرة الوحيدة الى كنت بتفرج فيها على ماتش هينفع أتفرج تانى

    ساعات بيبقى مش بمزاجك ترجعى الى بعدوا عنك يا نور :)

    I'm so sure of that !

    فاروق جويدة ميتقالوش أى حاجة طبعا <3

    :)

    أنا مروحتش الكلية اصلا فى عصيان مدنى يا بنتى
    أنا لو نزلت يبقى هنزل أمشى فى مظاهرات نياهاهاها :D

    ردحذف
    الردود
    1. اه مش بمزاجي .. بس انا بحس انه لو يستاهل بجد هحارب عشان ارجعه والأكتر بقى انه لو يستاهل فعلا هيقدر المحاربة دي وهيرجع ...واعتقد في الحالات اللي قابلتها مكنش في حد كده :D

      اه في عصيان انا كنت نازلة اقابل الدكتور عشان مشروع التخرج وخرجت من عنده على المظاهرة على طول وكانت كبيرة جدا بس لفواالجامعة كتير فتعبت :D

      حذف
  3. بصى هو انا مش عارف الشخص التافهة بيعيش ازاى ؟؟
    بس اللى انا عارفة انى ان الواحد لو ماخدش جزء من حياتة وضيعة فى شئ تافهة هايموت من كتر الجدية D:
    بس بجد البوست حلو

    ردحذف
    الردود
    1. لأ انا قصدي الانسان التافه اوي اوي اللي هو مالوش في اي حاجة ولا يعرف اي حاجة :D
      واكيد طبعا لازم نضيع جزء في شيء تافه وده بيبقى الجزء المرح اللي محدش يقدر يستغنى عنه بس ماينفعش يعيش فيه على طول :D
      شكرا جدا جدا

      حذف