الجمعة، 13 يوليو، 2012

بس سؤال ..


عزيزتي البراءة :
 هو مين فينا بيتخلى عن التاني الأول..احنا ولا انتي ؟!


هناك 6 تعليقات:

  1. احنا اكيد
    ومش احنا بس
    لكن الزمن والواقع اللى بنعيشه بيجبرنا اوقات اننا نتخلى عنها

    بس دايماً هتلاقى كده حته جوانا بتفكرنا اننا نحنلها
    ونعيشها فى وقت من الاوقات
    لانها طبيعه بشريه جوه قلوبنا انها تتلون بلون البراءه
    وبنفضل نحاول كتير انها تعيش بنفس اللون
    ونقول جوانا اننا هنبقى اقوى وهنحافظ علي زهره البراءه دى مهما مرينا بظروف
    لكن اوقات بنكسب واوقات لا !

    المهم انك تكونى عارفه انها جواكى وتقدرى تحافظى عليها :))

    ردحذف
    الردود
    1. بحس ساعات ان الموضوع مش سهل انك تحنيلها او ترجعيلها فتلاقي تفكيرك فيها زي ماهو او بمعنى تاني مش وقت مانحنلها هنلاقيها موجودة فعلا
      الظروف حوالينا بقت صعبة اوي حاسة ان الموضوع قلب حرب يا نكسبها يا لأ
      بس معاكي ان كلنا عندنا حتة الطفولة والبراءة دي جوانا والفكرة بقى يانعرف نشغلها تاني يا لأ

      حذف
  2. ممممممممممممممممممم
    سؤال صعب
    بس ....متهيألي احنا اللي بنتخلي عنها بس لما الظروف حوالينا بتضطرنا لكدة
    بس برضه احنا لو جوانا كويس اوي ما فيش حاجة تقدر تغيرنا
    :))

    وحشاني

    ردحذف
    الردود
    1. ما ده السؤال احنا ولا الظروف .. اكيد احنا متدخلين بنسبة بس بحس الظروف والناس وكل اللي حوالينا بيجبرونا لكده
      المقصود بالتخلي عن البراءة مش اننا نبقى اشرار يعني بس انا قصدي التفكير نفسه او حسن النية في الاخرين بحس الموضوع ده نسبته بتقل كل يوم

      وحشاني اكترررر ابقى شوفي الرسالة وردي عليها ضروري ضروري

      حذف
  3. السؤال دة شيفاه من وقتها كل ما ادخل ارد يحصل حاجه
    ربنا يستر ناو

    بصي في اعتقادى الشخصي جدااا يعنى
    ان لا احنا بايدينا بنتخلى عنها ولا هى لكن الظروف هى اللي بتحكمنا في اوقات نسيب براءتنا علشان نقدر نتعايش مع المجتمع دة والظروف برضوا هى اللى بتجبرها تتخلى عننا لما بندخل في متاهات كتير ومبنعرفش نخرج ونوصل لمرحله معينه معدش شئ فارق كدهو البراءة وقتها بيكون دوراها من حياتنا انتهى

    وبس :)

    ردحذف
  4. ايوه هي المشكلة في المرحلة دي بقى اللي بيكون عندها البراءة مش فارقة .. مش عارفة حاسة الموضوع ملخبط بس اللي متأكدة منه اننا خسرانين بخسارتها اذا كنا احنا بقى السبب او الظروف

    ردحذف