الخميس، 19 يوليو، 2012

المتشائمين يمتنعون


عارف انت لما تبقى مسنتي الخبر اللي المفروض يبقى احسن خبر في حياتك "حتى الآن على الأقل" ولظروف ما تلاقي فرحتك نقصت كده ومش راضية تكمل يبقى حتما ولابد بعد الحمد لله وسجدتين الشكر تقول بعلو صوتك .. يالهوي يامَاااا وانت فرحان برضه عادي

عارف بقى لما تكون مكتئب كده ومحبط ويبدأ يظهر في حياتك ناس تباعا ومن غير ترتيب ويغيروها خالص وتأثر فيهم ويأثروا فيك من غير قصد وتحسهم عيلة تانية ليك وتفتكر على طول جملة "لو أغلقت الأبواب في وجهك، وأظلمت الدنيا، وخنقتك الدموع، وضاقت بك الأرض ... سَيفتح اللَه بابا كنت تحسبه من شدة اليأس لم يخلق بمفتاح " وتقول الحمد لله 

عارف لما يجيلك مكالمة تليفون تسمع فيها فرحة اللي بيكلمك من قلبه كده فتبقى منشكح وتفضل مبتسم بعديها يتاع ربع ساعة وكل ما تفتكرها بعد كده تقول الحمد لله ان في ف حياتك ناس زي دي

عارف بقى لما كل ده يحصل بعد احداث سنة بتحسبها من اسوأ السنين اللي عيشتها فباولو كويلو والخيميائي ينطوا قدامك وتجمع كل ده مع بعضه كده وتتأكد انها رسايل من ربنا ان الحياة فيها الكويس زي ما فيها الوحش ويمكن اكتر وان اختياراتك بس هي اللي ممكن تكون كانت غلط وان لسه الخير والحب اللي من غير اي مقابل موجودين وتقول الحمد لله


هناك 6 تعليقات:

  1. ايوه عارفه كل الحاجات الحلوه دى ^_^
    ربنا يفرح قلبك يا نور يااارب دايماً عشان انتى تستاهلى كل خير ♥
    وكل سنه وانتى طيبه ورمضان كريم بقى :)

    ردحذف
    الردود
    1. ويفرحك دايما يارب
      رمضان كريم عليكي :))

      حذف
  2. قريته ومحسيتش باي تشائم انتى بتخدعينا ههههههههههههههههه

    لاء بصي شعور الفرح بس في حاجات جات بتعكره دة جربته وجربت العكس ابقي انا اللى متعكرة وغيري فرحان فلاقي نفسي فرحانه ببلاهه شديده هههههههه

    وانتى طيبه والله اكرم يا نور ويارب تقضي ايام رمضانيه حلوة وتحققي كل اللى في بالك يلا دعوه ببلاش :)

    ردحذف
    الردود
    1. هععععععع لقد فقعتي في الوخ :P
      لأ انا اقصد المتشائم مايدخلش لأن ده بوست وعلى غير العادة في تفاؤل فمش طالبة حد يجيي يقلبه نكد :D
      يارب كل ايامك فرحة ... كلها كلها لحد ماتزهقي :))
      رديتلك الدعوة اهو عشان محدش يبقى ليه عند التاني حاجة

      حذف
  3. قريته كذا مرة وعايزة اعمل كدة
    :))))
    ويس
    ينفع؟؟

    ردحذف
  4. ينفع جدا .. اصلا البوست بوستك :D:D

    ردحذف