الاثنين، 2 يوليو 2012


بفتكر كل كلمة كنتي بتقوليها زمان وكنت بتضايق منها وقتها ... بفتكر لما كان حد يغلط واجي ارد تقوليلي لأ كده هيغلطك معاه.
بفتكر يعني ايه عزة نفس ويعني ايه العند في الحق ويعني ايه اكون نفسي مش اي حد تاني ويعني ايه ان الفضول ده من اسوأ العادات اللي ممكن نقابلها ويعني ايه الرضا بالمكتوب مهما كانت الظروف ويعني ايه اخليني في نفسي وبس ومابصش لحد ابدا مهما كان ومعلقش على تصرفات اللي حواليا عشان انا كمان انسان وممكن اغلط ويكون غلطي اكبر منهم ولو ركزت في غلطهم مش هعرف اصلح غلطي.
ربنا يخليكي ليا وافضل اتعلم منك دايما .. ربنا يكرمك على اللي عملتيه وبتعمليه وهتعمليه ليا انا واخواتي .. ربنا يجازيكي خير على تعبك اللي عمرك ما اشتكيتي منه وزي ما جعل الجنة تحت اقدامك يجعل الفردوس الأعلى مسكنك ان شاء الله .. 
هفضل فخورة بنفسي بس عشان انتي أمي

-بعد كام ساعة ان شاء الله السمينار الأخير بتاعي وهناقش مشروع التخرج .. دعواتكوا

هناك 9 تعليقات:

  1. دة انا اللى هقفشك يا جميله

    ربنا معاكى ويخليلك ماما
    انا كمان كده بس انتى شجاعه انا حتى الان مش قادرة اكتب حاجه عن مامتى
    :))

    وانا فخوره بنورة اللى هى كده

    ردحذف
    الردود
    1. وانا فخورة بمعرفتك

      حذف
  2. ربنا يخليهالك يااارب
    وربنا معاكي في السيمينار

    انا جاوبت بقي عندي عاوزة اشوفك بتجاوبي بقي انتي كمان ها
    :))

    ردحذف
    الردود
    1. خلصتتتتتتتتتتت الحمد لله :D
      على فكرة معرفتش ادخل عندي قالي للمدعوين فقط وكنت في قمة الاحراج :$:(
      مش عارفة هلحق او هعرف احاوب ولا لأ بس حتى لو مش في الحملة فان شاء الله ابقى اكتبه بعدبن

      حذف
  3. ربنا يخليلك مامتك يارب يا جميله :)

    ردحذف
  4. :((
    معلش انا ظبتها اهو

    ردحذف
  5. معلش بقي كان فيه مشكلة صلحتها وكتبت جديد

    ردحذف
    الردود
    1. ooooooook
      جايالك اهو للجديد والقديم كمان :D

      حذف