الثلاثاء، 18 سبتمبر 2012

VS افكاري



قررت اني اكتب حتى لو افكاري معانداني حتى لو الظروف حواليا مش مساعدة بس هكتب والمرة دي هقدر اكمل البوست للأخر ومش هقفله بعد اول سطرين .. مش مهم هكتب ايه او عن ايه او حتى لمين .. المهم اني مش هخلي حاجة تتحكم فيا حتى لو افكاري اللي بتتجمع زي الشلال واول لما اقرر اكتب الاقيها اختفت ...

انتهيت امس من قراءة رواية "احببتك اكثر مما ينبغي" لأثير عبدالله النشمي .. صدمتني الرواية في بدايتها وساعدها في ذلك مزاجي السيء الذي بدأت قرأتها به .. وفي النهاية وعلى عكس الجميع تعاطفت مع -عزيز- البطل جدا على الرغم من مأساة -جمانة- البطلة التي حاولت تجسدها الكاتبة بامرأة ضعيفة هشة في حبها لا تقدر على شيء سوى الاستسلام لذلك الحب المرضي على حد وصفها 
لم يكن عزيز بالمجرم صاحب القلب القاسي الذي لا يحترم مشاعر الاخر ولا يقدرها ... فقد رأيت به شخصية طفل حنون وشفاف وضعيف في معظم الاحيان على الرغم ان معظم الوقت كان يحاول اظهار عكس ذلك 
لم يقدر عزيز على نقاء جمانة وكان يشعر بالذنب طوال الوقت من ذلك ... ولم تقدر جمانة على تغيير تلك الصورة في عزيز بل كانت في كل مرة تحاول تحاول تثبيت صورة الشيطان الذي قابل الملاك ووقعهم القدر معا في "مرض" الحب
تعاطفي مع عزيز لم يكن تعاطف قارئة ببطل رواية فحسب ولكن هذا التعاطف جعلني افكر كم انا ساذجة لدرجة اختلاق الاعذار وتحليل شخصية البطل لأبرر تعاطفي معه .. جعلني افكر كم من مرة اختلقت اعذار لاناس لم تكن تستحق .. كم من مرة استغليت هواية تحليل الشخصيات والتصرفات التي اتقنها ببراعة بما يحلو لي .. وكم من مرة ظلمت نفسي بهذه الطريقة ...وما ازعجني حقا هو كم من مرة كنت كبطلة القصة في عين الكثير ضحية رغم انها مشتركة بالنسبة الأكبر فيما يحدث !!

كلما استمعت لـ لورا باوزني تقول Oh Soltudine that word i hate to say يأتيني مايكل جاكسون يغني
 Something whispers in my ear and says That you are not alone 
احاول الاستماع الى هذا الصوت الخفي جيدا .. اختلقه واستمع لـ
You are not alone
For I am here to stay
Though you're far away
I am here to stay
فترتسم على وجهي ابتسامة امل من جديد 

اعلم .. لم اكتب لك منذ فترة ليست بالقصيرة .. تأتيني بك الأفكار كثيرا ولكن كلما مسكت بالقلم تذهب سريعا .. تُرى افكارك اصبحت مثلك تأتي وتذهب وقتما تشاء ام ان عقلي هو من بدأ يرفضها ويرفضك معها ؟!!

هناك 8 تعليقات:

  1. سعيد بمتابعه مدونتك
    اسلوبك سلس وجميل
    افكار تدور بخلد كلا منا لكن قليل من يستطيع تصويرها على الورق
    ويسلسلها بالكلمات

    تحياتى

    ردحذف
    الردود
    1. انا سعيدة اكتر :)) .. شكرا جدا

      حذف
  2. تؤتؤتؤتؤ
    كدة ممكن نخسر بعض

    متعاطفة مع عزيز
    يا لهوي
    دانا شتمته شتيمة
    :DD
    بس هي غبية اوي برضه

    وكنت بعيط بسببها اووي

    ممم
    اكتبي كل ما تبقي عاوزة
    عن اي حد....عن اي حاجة....مش مهم
    المهم تكلعي اللي جواكي
    والمهم اني اقرا كلماتك
    :))

    واحشني الكلام معاكي

    ردحذف
    الردود
    1. انا عايزة اقولك بقى اني حبيته مش اتعاطفت معاه بس .. والله شخصية عايزة اللي يفهمها ويعرف يتعامل معاها مش اكتر .. لو لاحظتي الحوار اللي كان بيدور بينهم هتلاقي انها كانت بتستفزه وبتحاول تبين وتأكد كل مرة انه اسوأ من المرة اللي قبلها وده
      بالنسبة للعياط فده كان موجود معظم فترات القرأة :D

      وانا كمان .. ان شاء الله يا نتكلم ميل يا سكايب يا موبايل قريب المهم نتكلم :D:D

      حذف
  3. كم أعجبني حديثك..
    عن الرواية..
    جعلني أفكر في بطل الرواية..فأنا أرها كثيراً مما لا يهتمون بمشاعر الناس..هل هم قساة القلب..أم الحياة جعلتهم هكدا..

    كم من الصعب إلتماس الإعدار للناس دوماً لأننا ببسطة بشراً..

    وكم من الصعب أن نكون ضحية علي علم من وإقرار وموافقة..

    أعجبني جداً

    اعلم .. لم اكتب لك منذ فترة ليست بالقصيرة .. تأتيني بك الأفكار كثيرا ولكن كلما مسكت بالقلم تذهب سريعا .. تُرى افكارك اصبحت مثلك تأتي وتذهب وقتما تشاء ام ان عقلي هو من بدأ يرفضها ويرفضك معها ؟!!

    نور أحب كلماتك..

    نونه:)

    ردحذف
  4. نيللي تفسيرك صح جدااااااااااا وده اللي تنا كمان اقصده
    موضوع التماس الاعذار ببساطة جدا من غير اي محاولة لفهم الموقف او تغيير طريقة تفكيرنا في الشخص اللي قدامنا
    وكمان موضوع اني ابقى ضحية وانا عارفة كده بس مش قادرة اتغير ودايما اسهل حاجة اني ألوم الطرف التاني
    وان كمان الانسان ممكن تكون ظروف الحياة هي اللي جعلت قلبه قاسي بس كالعادة برضه احنا دايما مش بنحاول نشوف بين السطور دايما بنبص بس على اللي قدامنا

    عجبني تعليقك جدا جدا جدا

    ردحذف
  5. للاسف مها قالتلى على الروايه دى من شهر واحد وانا لسه مش لاقيه النفس اللى اقرأها فيه :)))

    كل مرة بتكتبي بلمس فيكى شئ جديد عندك حق في حاجات كتير
    معرفش ليه بحسك شبهى وبعقلك وبتفكيرك وبعندك وبعصبيتك بس انا بمر بتجاربك دى قبلك فهمانى وبعديها وبتغير
    ساعات كتير ببسبب كده ببقي عايزة اقولك على اللى هيحصل مقدما لموقف اللى انتى فيه بس انا حب دايما خوض التجربه فمش همنع حد منها :)

    الكتابه فعلا زى ما بتيجى في اى وقت وميعاد كمان بتعودك تكتبي كل اللى في نفسك باي طريقه كانت


    اعلم .. لم اكتب لك منذ فترة ليست بالقصيرة .. تأتيني بك الأفكار كثيرا ولكن كلما مسكت بالقلم تذهب سريعا .. تُرى افكارك اصبحت مثلك تأتي وتذهب وقتما تشاء ام ان عقلي هو من بدأ يرفضها ويرفضك معها ؟!!

    في بوستات كده بحسك بتوجهى كلامك فيها لحد معين في النص انا عارفه الاشارات دى اطلعى منها
    هتحكيلي امتى بقي
    داخله على فضول انا
    ^_^

    ردحذف
  6. استني بس استني استوعب اني بقرا كومنت ليكي فعلا عندي ... فرح النهاردة انا هعمل فرح اكيييد بالمناسبة السعيدة جدا جدا دي :D

    ابقي قولي يا رونا .. لو التجارب هتبقى كده يبقى مش عايزاها وابقى قوليلي ارجوكي :D

    الكتابة دي نعمة بجد .. رغم ان فعلا ساعات كتير الافكار بتعاندك بس انا بحس بعد ما بكتب اني خرجت طاقة من جوايا كانت عاملة قلق جامد ممكن تبقى حزن غضب فرح خوف اي حاجة بقى

    بالنسبة لأخر جزء .. اعمل نفسك ميت :D:D

    ردحذف