الثلاثاء، 18 ديسمبر، 2012

و بيكفي ♥


قالتلي لازم تحبي نفسك عشان انتي كده مش هتستحملي كتير .. هتوصلي لنقطة وتقفي من كتر التعب
قاللي عيبك عصبيتك اللي بتضيع منك كتير ... انتي لما بتتعصبي مش بتعرفي تتصرفي لو كنتي اهدى شوية كان الموقف عدى
قالتلي ماتسيبيش نفسك للغضب وتكتميه جواكي ولو حتى دقيقة .. طلعي كل اللي جواكي وقت الغضب عشان ماتتعبيش بعد كده وما تلوميش نفسك على السكات
قاللي لازم تاخدي اجازة لازم تركزي في حاجة واحدة انتي كده بتعذبي نفسك ومش هتقدري تكملي .. ولازم تبقى اهدى
قالتلي انسي، انسي بقى وعيشي من الأول وكفاية اللي ضيعتيه .. كفاية عشان كان كتير
قاللي حاضر هعملك اللي انتي عايزاه بس كبري مخك شوية

انا بقى بقولكوا شكرا انكوا دخلتوا حياتي ... شكرا انكوا اديتوني ولسه بتدوني كتير من غير ما تحسوا
هفضل اشكر ربنا كل يوم اني قابلتكوا ... هفضل اقول دايما انكوا غيرتوا فيا كتير ... هفضل حاسة ان ربنا دايما راضي عني طول ما انتوا جنبي ♥ ♥ ♥

هناك 6 تعليقات:

  1. انا عاوزة اقول حاجة واحدة بس
    يااا بختهم انك معاهم
    :))

    وحشاني بقي

    ردحذف
  2. يا بختي انا بيكوا :))

    وحشاني جدا جدا جدا اصلا :*

    ردحذف
  3. أولا هو أزاي بيقولك إنك تتحكمي في عصبيتك وفي نفس الوقت آنذاك إنك تتطلعي الغضب كله لما تضيقي .، ماالعصبية والغضب وجهان لعملة واحدة يؤديان إلي كارثة..بس ربنا يخليلك الناس اللي بتحبيهم كلها

    سؤال علي الهوا هو قالك ولا قالتك

    أرجو التوضيح؛)))

    ردحذف
  4. بصي انا في بعض المواقف ببقى ممكن هولع بس مش ببين وبهد كده بقول ياريتني قلت كذا و كذا وكذا .. فهي كانت بتوقلي ما تكتميش الغضب جواكي كده وتخلي الندم ينطلك كل شوية بقى بكلمة ياريتني قلت وياريتني عملت طلعي كل اللي جواكي عشان ترتاحي

    اما بالنسبة لقالتلي وقالي
    فانتي لو اخدتي بالك هتلاقيني مرة كاتباها كده ومرة كاتباها كده ... للتمويــــــــــــــــــــــــــه

    ردحذف
  5. وهما دول اللي بيخلونا واقفين على رجلينا :)

    ردحذف
  6. حقيقة .. في فترات مش متخيلة ابدا كانت هتعدي ازاي من غيرهم
    الحمد لله انهم في حياتنا :))

    ردحذف