الأحد، 16 يونيو، 2013

Just Saying


عن الكلام اللي دايما ناقص حتة نفسك تقولها ليه بس خايف لتخسره

عن ناس حبيتهم وبعدوا وناس حبوك وسيبتهم وناس الصمت كان تالتهم معاك 

عن احاسيس مفقودة بنحنلها فجأة بدون سبب وبنرجع بيها لأجمل لحظات في حياتنا ودايما تنتهي بدمعة شايلة كل الذكريات

عن لحظات بتعيش معانا ثواني ولحظات بتعيش معانا عمر ولحظات بنتمنى لو كنا معشنهاش 

عن احساس الوحدة وسط الناس والزحمة 

عن التعب من المقاومة والاستسلام للانسحاب 

عن اختفاء مالوش اسباب وظهور مالوش مواعيد

عن رواية بنقراها ونعيش تفاصيها ونتمناها ورواية بنقراها وتهون علينا كتير عشان اكتشفنا ان حالنا احسن من حال ابطالها

عن نظرات عيون بتخونا وفي ثانية تفضح كل كلام الصمت 

عن احساس الحزن بدون اسباب واحساس الفرحة اللي دايما ناقصة حاجة وزايدة حبة خوف 

عن احساس اليأس والنهاية اللي دايما بيتفتح بعده باب جديد للأمل 

عن خوف بنستقبل بيه بكرة وقلق بنعيش بيه يومنا 

عن مستقبل مش واضح له ملامح وماضي بيعيدنا للقهر وحاضر الموت فيه بينادينا من كل اتجاه

عن حب بنعيشه وفاكرينه الأحلى .. الى ان يثبت -دائما- العكس

عن قلق بيروح بركعتين ودعوة

عن لمبة بتنور بأمل ينسينا كل اللي فات ويبدأ بينا من جديد ...

8-2-2013

هناك 4 تعليقات:

  1. ايه كمية عن وعن وعن ده.. عنعناتك كترت :D
    بس مش عارفه ليه حسيت انى انا بقرأ كلام جوايا

    وبالذات فى الأجزاء ده ...

    عن ناس حبيتهم وبعدوا وناس حبوك وسيبتهم وناس الصمت كان تالتهم معاك
    --------------
    عن احاسيس مفقودة بنحنلها فجأة بدون سبب وبنرجع بيها لأجمل لحظات في حياتنا ودايما تنتهي بدمعة شايلة كل الذكريات
    --------------
    عن احساس الوحدة وسط الناس والزحمة
    --------------
    وحشاني ع فكره يعني جدا جدا جداااااااا ^__^

    ردحذف
    الردود
    1. عن انك وحشانس اكتر وهتجنن واشوفك اصلا :*

      حذف
  2. عن تعب وتعب وتعب وتعب

    ردحذف
    الردود
    1. عن دنيا كل يوم تفاجئنا بالأسوأ

      حذف