الأحد، 7 يونيو 2015

طيب هو بعد اسبوعين وكام يوم بدأت محاولات الانكار تفشل تقريبا وبدأت محاولات التماسك تنهار
التقبل اصعب المراحل خصوصا في الموت، تقبل الموت صعب تقبل الفقد صعب تقبل الفراق صعب وتقبل حياتك وانت شايفها متلصمة صعب وصعب وصعب
لسه مقتنعة اني اول لما ادخل الشقة هشوفه ولسه مقتنعة اني وقت ما اقلق اي يوم بليل هلاقيه ويسألني صاحية بدري ولا هتنامي تاني ولو اتأخرت شوية الصبح وكنت متضايقة ومستعجلة هيجي يقولي ماقولتليش اصحيكي ليه ولسه مقتنعة اني وانا بلبس الطرحة ونازلة الصبح هيقولي استني اجيبلك فكة للمواصلات وانا اقوله لأ معايا ولسه مقتنعة اني هروح اعمل شاي هلاقيه بيقولي كلتي الأول اقوله اه يقولي امتى اكيد لأطبعا وانتي من امتى بتاكلي
هو كده كده لسه كل حاجة زي ما هي، انا زهقانة من البيت فترة بس وراجعة له وهرجع انام في اوضتي تاني والبس لبسي كله تاني بألوانه كلها

هناك تعليق واحد:

  1. اكتبي يا نور ...اكتبي وقولي كل اللي جواكي

    ردحذف